VETERAVIA

VETERAVIA

vulgo Wetteraw incolis, Veteravie Gallis, tractus Germaniae et Franconiae, in circulo Electorum Rheni, inter Hassiam ad Ortum et Rhenum fluvium ad Occasum, Ducatum Westphaliae ad Boream, et ditionem Moguntinam ad Meridiem; dividiturque in 12. Comitatus, qui sunt Belstinus, le Comte de Beilstein, Comitatus Cattimeliboci, le Comte de Catzenelebogen, ditionis Hasso Cassellanae pro maiori parte, Dietiensis, le Comte de Dietz, Dillemburgicus, le Comte de Dillembourg, sub proprio comite, Hadamarius, le Comte de Hadamar, nuper Principatus titulô insignitus Nassoviae gentis, Idenstinus, le Comte d Idensiein, Isenburgicus, le comte d'Issembourg. Nassovius, le Comte de Nassau, nuper Principatus titulô insignitus, unde orta est domus Nassovia celeberrima, et Principes Arausicani, Sigensis, le Comte de Sigen, Solmensis, le Comte de Solms, Vilburgensis, le Comte de Veilbourg, et Visbadensis, le Comte de Visbaden, in ditione Electoris Moguntini. Oppida autem praecipua totius provinciae sunt Dietia, Hadamaria, Nassovia, Sigenum et Solma.